చిత్రకారుడు ......కవిత

చిత్రకారుడు 


చెక్కు చెదరని ఏకాగ్రత ఉన్న 
చిత్రకారుడు మనసు పెట్టి 
కాన్వాసు మీద ఓ....  
చిత్రానికి  జీవం పొయ్యాలి . 

గీసిన ఆ చిత్రం కళాత్మకం కావచ్చు 
అందరి ప్రశంసలు కురియ వచ్చు 
అధ్భుతంగా ఉందని దానికే ... 
ఎన్నో  అవార్డులు రావచ్చు . 

కలగాపులగం లా కొన్ని గీతలు గీసి 
దాన్నే మోడరన్ ఆర్ట్ అని అనచ్చు 
ఆధునిక చిత్రకళ కదాని  మెచ్చుకుని 
మరెంతో... ప్రోత్సహించ వచ్చు . 

ఓ .. ప్రముఖ రచయిత్రి నవలకు 
నీ... చిత్రం  'ముఖచిత్రం 'కావచ్చు
లేక ఏ ధనవంతుని ఇంటికో... 
అది  'గోడ చిత్రం' కావచ్చు . 

ఏ నాటికైనా కళాకారుని 'దీక్ష' వృధా కాదు 
'ఉత్సాహాన్ని' నీవు ఇసుమంతైనా కోల్పోకు 
చెక్కు చెదరని 'ఏకాగ్రతను' చెదరనీకు 
చెక్కులపై చెక్కుల 'ధనం' వచ్చి చేరు నీకు.